Tura, Lber 01: Mynta ka sngi u nongrah ktien ka Vatican sha India bad Nepal u Rev. Â Leopoldo Girelili Apostolic Nuncio ha ka jingwan ka jong u ha ka sien kaba nyngkong ban wan jngoh ia ka Garo Hill u la leit ban pynlong ia ka jingduwai ha lum jingtip ka balang ha Tura ha kaba u la pynlong ka jingduwai kaba kyrpang na ka bynta u Purno A Sangma bam kwai ha dwar u blei, u ba dei u Lamphang barim ka Lok Sabha ka Ri India bad myntri rangbah ba rim ka jylla Meghalaya.
Ha kane ka jingleit la synran da u Bishop Rev. Andrew R Marak Bishop ka Tura Diocese, u Bishop synrop ka Tura Diocese u Rev. Jose Chirackal, u myntri rangbah ka jylla u Conrad K Sangma, ha kane ka jingwan sha Tura la pdiang burom da ki riew ngiet ha ka 28/ Rymphang /2026.
Ha kane ka sngi da ki phew hajar ngut ki riew ngeit jong ka Balang Katholik kila wan ban ia donlang ha ka mass ba khuid ha Sacred Hearth Shrine, Tura, ki riew ngeit kila ia wan na kylleng jong ka Garo Hills ban phla ia la ka jingngeit ha kane ka jingwan u nongrah ktien u kpa bakhuid na Vaticabn sha India bad Nepal.
