Shillong, Naiwieng 22: Mynta ka sngi ka Estimate Committee ka iing dorbar thawain ka jylla bala ialam da u shongknor u bah Mayralborn Syiem MLA, kila leit ban jurip ia ki skhim kiba la pyntrei ha kane ka nongbah shillong kiba dei na ka Smart City Project.
Kane ka kommittee mynta ka sngi kala leit ban jurip ia ka iew ha Laitumkhrah kaba la shna ha ka jinglut kaba T.28.84/- klur tyngka, kila leit ban jurip ruh ia ki Smart Road kiba la pynkhreh ban pynlait na ka jingkhap ngiah kali bad pynsuk la leit la wan.
Kane ka kynhun kala leit ban jurip ia ka jaka ieng kali kaba bun mala kaba dang shna mynta ha Motphran, ka iew kaba la jan dep shna mynta ha polo ha ka jinglut kaba T.100.33/-klur tyngka.
Kane ka kommittee kala leit ban jurip ruh ia ka jingtei ka iing ha Khyndailad ka ban long jaka iew, ka jaka jngohkai pyrthei bad ki jaka pyni ia ki tynrai ha ka kolshor, kane ka iing kaba dangshna mynta ka jinglut ka long T. 211/- klur tyngka, la leit ruh ban jurip ia ki jaka pynlang um ha kylleng kane ka sor Shillong.
U shongknor u bah Mayralborn Syiem la pynpaw ia ka jingsngew kmen ban ioh ba ki jingtrei ki iaid beit iaid ryntih, ha ka juh ka por la ong ba u sngewthuh ba ki don ruh ki jingeh ha kaba pyntrei ia kine ki skhim jong ka sorkar bad la ong ba u don ka jingkyrmen bay n lah banpyndep ha ka por ba biang.
Kiwei ki dkhot kiba la ia don lang ki long u bah Adelbert Nongrum MLA, u Remington Gabil Momin MLA, bah Wailadmiki Shylla MLA, bad ka Miani D Shira MLA, ha kane ka jingleit ban jurip la don lang ki ophisar na ka iing dorbar thawain kajylla bad kumjuh na ka rnad pynroi sor.
