Shillong, Iaiong 20: Mynta ka sngi u Chief Executive member jong ka KHADC u bah Titosstarwell Chyne ryngkat ka kong Grace Mary Kharpuri EM ba dei peit ia ka iew bad u bah Rangkynsai Kharbuki EM ba dei peit ia ka tnad khaii pateng ryngkat u Syiem ka Hima Mylliem Pa,im Ainam Syiem bad ki myntri la leit ban jurip ia ka iiew duh bad Iew Mawlong.
Ha kane ka jingleit jurip la sdang ba kaba leit ban peit ia ka jingtei ia ka iew dielang bad na ka liang jong u CEM jong ka KHADC u la pynpaw ia ka jingsngew kmen ban ioh ba ka jingtrei kala iaid beit iaid ryntih kaba ka jingtrei ka dang iaid sha khmat mynta ha ka jingtei ia katei ka iew.
Ha dien jong katei la hiar sha Iew Mawlong bad la phah weng noh ia ki nongdie shna ki bym biang ki kot kala don ruh ka jingkylli ia ki dukan ban pynthikna la ki don ne em ia ka Trading Laisen katkum ka ain jong ka District baki bar jylla ki hap ban ioh ia ka laisen ban ioh khaii pateng.
Kane ka jingsdang ban khynra ia ki dukan kala sdang na Iew Mawlong haduh jaka ieng kali Mawngap bad kala ruh ka jingleit ban jurip ia ki dukan kiba don ki dukan ha ka iing jong u Paul Leong ha kaba u la mih ban kren ia ki nongtrei ka KHADC ban pynpaw ia ka jingpyrshah ka jong u.
Na ka liang jong u ophissar jong ka KHADC ba dei peit ia ka kam Trading Laisen la bthah ban ia kren ia kano kano ka kam hapoh ophis, namar ki kum ki nongtrei jong ka KHADC ki pyndep ia ka kam jong ki katkum ki kyndon ain jong ka District.
Haba kren ha ki lat pathai khubor u CEM jong ka KHADC u la ong ba ka jingwan jong u ka long ban pyunthikna ba ki nongkhaii bar jylla ki dei ban don ia ka Trading Laisen, katkum ki kyndon jong ka ain, ha ka juh ka por pat kam dei ba kin ai laisen ia baroh, namar ki dang ia leh ban pynduna la da don ka lynti.
