Shillong, Rymphang 05: Mynta ka sngi ka Jaintia Students Union kala leit tur kynsan sha ka ophis jong ka Jaintia Hills Autonomous District Council (JHADC) ban dawa ba dei ban pyntrei kam noh ia ka ktien pnar hapoh jong ka Konsil.
Kawei pat ka jingdawa kaba ka JNC kala dawa ka long ban ka JHADC ka dei ban pynduh noh ia ka Trading License ia kito ki ki bym dei ki trai jylla ki bymd ei kiba la shong beain ban ia khaii pateng hapoh u pud u sam jong ka JHADC.
Na ka liang jong u CEM haba kren ha ki dkhot ka seng kiba pynlong ia ka jingiakhih ha phyllaw jong ka JHADC u la ong ba ka District Council ruh ka don ka jingsngewkhia bad ka jingtlot jong ka, na ka liang jong u CEM u la kyntu ia ki ba kin weng noh ia ka jingiakhih kumta kila pynsangeh halor ka jingkyrpad.
La ong ba na ka liang jong ka JHADC kan sa leh ia kaba don kam haba ia dei bad ka jingdon ki bar jylla kiba khaii beain ha u pud u sam jong ka JHADC, kum ka jingburom ia ka jingkyrpad u CEM ka seng JNC ruh kala weng ia ka jingiakhih, namar kane kajingiakhih ka long ban pynkynmaw ia kaei kaba kila dep ban ai da ka jignthoh.
