Shillong, Risaw 15: U bah Vincent H pala mynta ka sngi u la leit da la dei sha San Francisco California ban leit shaw ia ka met jong u Bishop Rev Dominic jala bad ban peit ba ki kam ki jam kiba dei ban pynbeit kin kham kloi ban ioh ban rah noh ia ka met sha Shillong.
Shuwa ban leit sha America na ka liang jong u bah Vincent H Pala u la thoh da ka shithi sha u nongkit ktien ka Ri India sha America u Harish Vardhan Shringla ha kaba u la kyrpad ia u tei u nongkit ktien ka India ban iarap ban pynkloi ban ioh rah ia ka met u Bishop sha Shillong.
Halor katei ka shithi jong u bah Vincent H Pala, na ka liang jong u nongkit ktien ka India sha America u la pyntip na liang jong u consulate general un sa ia kynduh ia u ha San Francisco ban ia rap na ka bynta ban pynkloi ban ioh rah ia met jong u bishop Rev Dominic sha Shillong.
