Shillong, Nailur 01: Mynta ka sngi u President jong ka BJP Meghalaya State Unit u bah Ernest Mawrie u la sdang ia ka jingshim khyndew na Laitkor kaba hap hapoh jong ka Nongkren ban phah sha nongbah New Delhi ban tei ia ka Amrit Vatika.
Ha kane ka sngi la don lang president State Mahila Morcha, Shillong District President, State Yuva Morcha, kane ka long ban rakhe ia ka jinglait luid jong ka Ri India bad kane ka jinglum ia u khyndew kan long na kylleng ka Ri India ban shna ia ka tei ka Amrit Vatika.
U bah President ka BJP u la ong ba ia kane ka jinglum khyndew yn shim na baroh ki district jong ka jylla Meghalaya, kane ka jingshim khyndew kaba mynta ka sngi ka dang dei ka jingsdang, kane ka jingrakhe yn pyndep hapoh kane ka shibnai hapoh kane ka jylla Meghalaya.
