Shillong, Iaiong 29: Ka Hynniewtrep Youth Council (HYC) seng kmie mynta ka sngi ka 29 tarik u Iaiong 2024 hapoh ka jingialm u President ka seng u bah Roykupar Synrem lem bad ki dkhot ka seng HYC ki la leit ban ia kynduh ia u bah Prestone Tynsong u ba dei u Symbut Myntri Rangbah ka Jylla halor ka Themmetor.
Ha kaba ki la dawa na ka sorkar ba kadei ban pynkynriah beit thik tang ia ki 194 tylli ki long iing sha ki kwater jong ka sorkar Jylla namar ba kat kum ka RTI ba la ioh na ka Shillong Municipal Board ka la lap ba ki 148 tylli ki longiing kimdei satia ki nongtrei kiba trei ha ki tnad sorkar bapher bapher jong ka Sorkar Jylla,
Ka HYC ka la dawa ruh hadien ba ka ioh jingtip ba ka sorkar Jylla ka la shim ia ka rai ban shong ka jingialang kaba khat duh bad ki nongmih khmat jong ka Harijan Panchayat Committee ha ka 7 tarik u Jymmang 2024 ha ka ba iadei bad ka jingpynkynriah ia ki briew ki basah ha them iew Mawlong.
Kane ka jingthmu jong ka seng HYC ban ia kynduh ia u Deputy CM ka long ruh ba dei ma u , u ba dei u shongknor jong ka High Level Committee ka ba ka sorkar ka la thung ban ia kren bad peit sani halor katei ka jaka.
Ha ka jing iakren bad ki nongthoh khubor na ka liang u Presidenyt ka HYC u bah Roykupar shynrem u la ong ba bat kat kum ka RTI ba ki ioh ka la pynlyngngoh wat ia u Symbut Myntri Rangbah u bah Prestone Tynsong ha ka ba u dang pyrkhat ba ki 342 tylli ki longiing ki ba sah ha them Iew Mawlong ki dei ki nongtrei jong ka Municipal Board.
U bah Synrem u la pynpaw ruh ba ka jingwan ban ia kynduh jongki ia u Deputy CM u la pynpaw ruh ba ka jingkren ka Sorkar ba kan pynkynriah ia ki 342 tylli ki longiing ha ka ba ka sorkar kan pynshna kyrpang ha ka ba na ka liang ka seng HYC ka kren shai ba ka sorkar ka lah ban ai ia ka jaka sah ia ki nongtrei jong ka hynrei ka la pynpaw ba ia ki bymdei ki nongtrei jong ka Sorka ka HYC ka ban jur ba kam dei ban ai ia ka jaka.
U bah Synrem u la ong ruh ba na ka liang ka seng ka la lap ruh ba kine ki nongtrei jong ka SMB ki ba trei kum ki nongsar Surok ne ki nonglum ia ki niut ka la long kum ka nongkynti jong ki ha kaba kane ka jingtrei jong ki ka iaiban byteng na u kpa sha ki khun bad kumta terter.
U la ong ruh ba ha kane ka juk jong ka jingkyrduh kam ki samla jong ka Jylla ki la lah ban trei ia kum kine ki kam. U la ongruh ba kat kum ka RTI ki la lap ba ka dang don ka jingthung kam khlem da khot advertisement kata ha u snem 2017, 2018 bad ha u 2020.
