Shillong, Nailar 28: Mynta ka sngi , hadien ba la ioh jingtip ba ki don ki bar jylla ba ieng lain ban aplai Aadhar ha SBI Main Branch Jowai, Ki Nongialam ka KSU Jaiñtia Hills District Unit hapoh ka jingialam Jong u samla Albinus Lamurong general secretary bad u samla Leaning Tariang ki la leit jurip hi da lade bad sakhi ruh ia ka jingshisha ba ka don Kum kata.
Halor kane ki Nongialam ki la iakynduh ia u Branch Manager bad ia krem ba dei ban pynsangeh noh ia kane ka jingpynrung Aadhar . Na ka Liang ka Manager kala ong ba Kane ka jingpynrung ka dei lyngba ka jingbethah Jong ka Central Government.
Ha ka jingiakren, la lap ba kine ki bar jylla ki ioh syrnod na ki Waheh shnong naduh East Jaiñtia . Bad la lap Ruh ba bun na kine kiba ieng lain , ym pat tikna la ki dei napoh Nepal ne na kiwei pat ki jaka napoh India.
Ka Seng ka kyntu ba Lada ki kwah Aadhar, to AI ba kin aplai hi na ka jaka ba ki wan. Hadien ka jingpyni nia, ki nongialam ki la beh hi ia kita ki barjylla ki bad pynkut Noh ia jingpynrung Aadhar bad kyntu Ruh ia ka Agency ban sangeh mardor ia Katei ka Kam.
Hadien Kane, ki nongialam ka KSU Jaiñtia Hills ryngkat ka jingdon lang u samla Ohibait Dkhar President ki leit ia kynduh ia u Deputy Commissioner ka West Jaiñtia bad ruh ia u CEM Ka JHADC halor kine ki bynta bad ruh ka jingai laitlan ia ki syrnot nongshong shong wat sha ki bym dei ki trai Muluk.Kham mynshwa, ka la don ka jingthmu pynrung Aadhar ia ki nongtrei barjylla hapoh Star Cement ia kaba la pynsangeh Da ka Seng.
Na ka liang jong ka KSU ka ong “Ngi lap ba ki bar jylla ne ki briew na Nepal ba trei ba ktah hangne ha Thaiñ Jaiñtia Jong ngi ki ioh Syrnod shnong na ki shnong bapher bapher napoh East Jaiñtia Hills bad ruh kiba trei ha ki Karkhana ha ki thaiñ Narpuh” .
Kaba phylla ka long ba bun na kine kiba thmu pynrung kyrteng ki dei na ki jaidbynriew Nepali bad ki don kiba la Juh ieng lain hapoh ophis u DC East Jaiñtia mynshwa kaba la pyndam ia ka jingpynrung Aadhar”, la kren u Albinus Lamurong.
“Lada kine kiwei ki jaidbynriew ki kwah pynrung, aI ba kin pynrung Sha ki jaka la jong . Ka long kaba sngewsih ba ki waheh shnong ba aI syrnod ia kine ki bar jylla ki kheiñ sting haduh katta katta bad ngi dawa na ka District council ba kan leh eiei bad ban pynbha shuh shuh ia ki kyndon bad Kane ka bynta” .
Na ka liang jong ka KSU kam banse ban buh jingmaham ia ki Waheh shnong ba shim kabu ia ka jaidbynriew na ka bynta ka jingmyntoi shimet jong ki bad ruh ia kito ki Agencies bu ba Leh bym salia ia ki trai Muluk . ka seng kan ym shong kli kti bad ngin ai da kaba tyngeh ia kiba donkti baroh “, la Ong u Ohibait Dkhar , President ka KSU JHDU.
