Shillong, Jymmang 20: Ka kong Idashisha Nongrang IPS mynta ka sngi kala shimti ia ka kam kum ka Director General ki Pulit ka jylla Meghalaya, ha kane ka sngi kala lum ia ka jignialang kaba nyngkong ia ki heh pulit ka jylla.
Haba kren ha ki lat pathai khubor ha dienba la shimti ia kane ka kam DGP, kala ong ba kan ia kynduh ia ki paidbah man ka sngi Palei lada ki don kano kano ka jingai jngmut ne ka jingeh kaba ki ia kynduh.
Ka DGP kala pynshai ba ha man ka sngi Palei ki kwah ban kynduh kim don kam ban da buh por ne ban pan jingbiut ki lah ban wan ban ia kynduh hapdeng ka por 11.00 baje mynstep bad haduh 2.00 baje noh phai sngi. Katba ha kiwei ki sngi dei ban da pan jingbit.
Haba jubab ia ki jingkylli na ki lat pathai khubor ka DGP ka la ong ba ka thong kaba ha khmat jong ka ka long ban pynlong ia ka tnad pulit ba kand ei ka jaka kaba ki paidbah kin sngewtynad ban ia kynduh haba don kano kano ka kam.
Kala ong ba kin don ruh shibun ki jingduna , ia kiba ki hap ban ia khun pyrshah kumno ban pynbha, kan ia leh ban nym ailat ia kano kano ka jingdkhoh ha ka jingtrei kam hapoh ka tnad pulit.
