Shillong, Naitung 09: Naduh bas dang ia ka North-Eastern Hill University kaba dei jong ka sorkar pdeng ha u snem 1973, mynta ka sngi ka dei ka sien kaba nyngkong ia kane ka skul bah ba kan pynmih ia ka result haduh 90% mynta u bnai.
Ha ki snem kiba la dep baroh ka NEHU ka juh pynmih ia ka result ha u bnai Nailar bad u bnai Nailur. Mynta ka long ka sien kaba nyngkong ba ba 90% ki result la pynmih mynta ka sngi.
Ia kane la lah ban leh dei na ka jingiatrei lang jong baroh ki tnad pule kiba don ha kane ka skul bah bad kane ka lah ban pynlong ia ka skul bah ban pynkylla ia ka por shuti bad ban sdang ia ki klass.
Kane ka jinglah ban pynmih ia ki result ha ka por ba biang kan iarap shinbun namar kan pynsuk ia ki samla pule ba kin nym pynsep ei ia ka por jong ki ha kaba ap ia ki result. Na ka liang jong ka University kan ialeh ban bat ia kane ka rukom pynmih result. Ki samla pule ki lah ban peit ia ka result jong ki ha ka website www.nehu.ac.in.
