Shillong, Nohprah 14: U Director ka tnad ka koit ka khiah u Dr Aman War mynta ka sngi u la pyntip ba mynta ka sngi kila don ar ngut kiba khlad na kane ka jingpang COVID-19.
Kiba khlad la tip kyrteng kum ka Ganga Maya Chetri 66 snem ha Thembasuk Shillong bad u Allen T Sangma 55 snem na Bajengdoba North Garo Hills. Da ka jingkhlad kine ka jingiap kala kiew sha ka 130 ha Meghalaya.
Kiba la test COVID-19 positive mynta ka sngi ki long 75 ngut, East Khasi Hills 51, Ri Bhoi 21, West Garo Hills 3, baroh kiba dang shitom ki long 753 ngut.
La pyntip ruh kiba la koit na kane ka jingpang mynta ka sngi ki long 50 ngut, East Khasi Hills 37, West Garo Hills 9, East Jaintia Hills 2, South West Garo Hills 2, baroh kiba la koit ki long 12058 ngut.
