Shillong, Naitung 28: Ki pulit jong ka West Garo Hills kiba la leit shaw ia u Bernard N Marak na Utter Pradesh mynta ka jan mieit kila pynpoi ia u sha Tura, mynta kin rah ia u ban phah peit sha ki doktor bad kin sa rah sha iing bishar.
Ki pulit na West Garo Hills mar ia ioh jingtip bala ioh ban kem ia u Bernard na Utter Pradesh, la phah ia ki pulit ban leit sha katei ka jylla ban pynbiang ia ki jingdon kam ban shimti ia u na ka kti ki pulit jong ka jylla Utter Pradesh.
Na ka liang jong ki pulit kin rah ia u Bernard sha iing bishar bad ha dien katta kin sdang ia ka jingtohkit ha kaba ia dei bad ka jingkhynra ia ka Edenbari bala kam trai da u Bernard ha kaba ki pulit kila leit ban khynra ha ka 22/7/2022.
ka iing bishar jong ka Chief Judicial Magistrate jong ka West Garo Hills kala pynmih ia ka hukum ba ki pulit kin ioh ban bat phra sngi ia u Bernard N Marak ban tohkit ia u.
Halor kane ka juh ka jingjia u DC jong ka We4st Garo Hills u la dep ban thung ia ka kynhun tohkit ban khlieh da u magistrate bad ia ka kaiphot halor ki phang ba la kdew dei ban ai noh hapoh ka 15 sngi.
