Shillong, Nohprah 15: Mynta ka sngi u myntri ba dei peit ia ka tnad pue puthi u la plie ia ki 50 tylli ki iing skul step sha ki nongkyndong kiba la shna pynbha lyngba ka skhim Meghalaya School Infrastructure Improvement Program.
Da ka jingplie ia kine ki 50 tylli ki iing skul kiba la shna pynbha,baroh ki iing skul la dep ban pynbha kila kot sha ka 100 tylli ha baroh kawei ka jylla Meghalaya, kine ki skul kiba la plie ki dei na ki 208 tylli kiba la dep ban pynbna ka sorkar ban shna thymmai ha ka bynta kaba nyngkong.
Ka sorkar kan pyndep ia ki 108 tylli ki iing skul kiba dang sah ha kine ki khyndiat sngi ban dang wan, ia kane ka jingplie ia kitei ki 50 tylli ki iing skul kiba don sha ki nongkyndong mynta ka sngi la pynlong ha State Convention Centre ia kaba la plie da u bah Lahkmen Rymbui myntri ba dei peit ia ka tnad pule puthi.
Kine ki iing skul baroh kiba ka sorkar kala shna pynbha ki dei ki Lower Primary skul jong ka sorkar kiba don sha ki nongkyndong kiba la don kam shisha ban pynbha, ki iing skul kiba la maramot dei kiba la jot ban pynlong skul ruh kala shem jingeh ia ki khynnah skul.
