Shillong, Nailar 20: Ka tnad ka koit ka khiah mynta ka sngi kala pyntip ba kiba la test COVID-19 positive ki don 23 ngut, na East Khasi Hills 6, Ri Bhoi 2, South Garo Hills 1, South West Garo Hills 4, West Garo Hills 9, West Jaintia Hills 1.
Ka tnad ka koit ka khiah kala pyntip ruh kiba khlad na kane ka jingpang mynta ka sngi ki don ar ngut, wei na East Khasi Hills bad wei pat na South Garo Hills, kiba dang shitom baroh ki long 363 ngut bad kiba don ha ki hospital ban shah sumar ki don 29 ngut haduh mynta ka sngi.
Kiba la test COVID-19 positive baroh haduh mynta ki long 96305 ngut, kiba la ioh ia ka jingkoit na kane ka jingpang ki long 94327 ngut, kiba khlad baroh na kane ka jingpang kala kiew sha ka 1615 ngut haduh mynta kane ka long ka jingkhien kaba la buh ryntih da ka tnad ka koit ka khiah.
