Shillong, Nohprah 14: Ka sorkar jylla Meghalaya lyngba ka tnad ialeh kai mynta ka sngi ka la pynbna ba kan pynlud ha duh 23 klur na ka bynta ban pynlong ia ka Meghalaya games ka ban sa long ha Tura ka ban sdang na duh ka 15 tarik ha duh ka 20 tarik u bnai January 2024.
Ha ba ia kren bad ki nongthoh khubor na ka liang u bah Shakliar Warjri u ba dei u myntri jong ka tnad ialehkai ka sor kar jylla u la ong ba na ka liang ka sports department ka pynkhreh shaid shaid ha ka ban pynlong ia ka Meghalaya games 2024 ha Tura bad na ka liang jong u u la ioh ban leit ban jngoh da la ki jong ki khamat ha ka ba iadei bad kane ka jing pynkhreh.
U bah Warjri u la ong ka ba ka jing thmu ba kong ha ka ban pynlong ia kane ka Meghalaya games ka long ban plie lad ia ki khynnah ki ba don sap ha liang ka jing ia leh kai sports, ha kaba kane kan long kum ka lad na ka bynta ki khynnah donsap ba kin pyn I ia ka jing tbit jong ki ha ka liang ka jing ialeh kai sports.
U la ong ba lyng ba kane ka Meghalaya games u kyrmen ba ynioh ban sei ia ki khynnah don sap ha ka sports ha ka ba kin ioh ka lad ba kin leit ban mih khmat ia ka jaylla ha ka lypung bapher bapher la ka long ha ka Ri ne wat shaduh barRi ruh kumjuh.
Ha ka ba iadei bad ka jing pynkhreh ia kane ka lympyng ka ban long ha Tura u la ong ba na ka liang ka sorkar kam shym la don kano kano ka jing shna thymmai ia ki ja ka ialeh kai, hynrei ia kane ka Meghalaya games yn pynlong ha kylleng ki skul, ki colleges bad ki jaka ialeh kai ki ba la don ha Tura.
U la ong ruh ba ka jing mang ka sorkar jylla ban pynlud haduh 23 klur na ka bynta ka Meghalaya games ka dei na ka bynta ban peit bniah ba ki nong wan ia shim bynta kin ioh ia ki jing don kam jong ki ki ba kynthup na duh ka bam ka ba biang, ka leit ka wan bad kiwei kiwei pat ki jing don kam.
U la ban ruh ba ka jing pynlong iakane ka Meghalaya games ha kane ka kynti ba mynta yn kynthup ruh ia ki jing ia leh kai tynrai ki ba dei na ki laitylli ki jaidbynriew jong ka jylla kata kawei na khasi Hills, kawei na jaintia hills bad kumjuh ruh kawei na Garo hills.
Hakne ka Meghalaya games kin don 22 tylli ki disciplines bad kin don ha duh 3000 tam ki khynnah ki ban wan ia shim bynta bad u la ong ruh ba kane ka jing pynlong ia ka Meghalaya games ka long ruh kum shi bynta ha ka ban pynkhreh ia ka National Games ka ban sa long ha ka Jylla.
