Shillong, Nohprah 15: Namar ka jingleh bha jong ka seng ka Iasnohktilang Village Organisation ban ai ka jing shakri sha ki paidbah kaba don hapoh ka Shnong Mawphrow Ri Bhoi District halor ka rep ka riang bad kiwei kiwei dei ki jait treikam.
Ia ka ophis la plie mynta ka sngi ka 15 Tarik Nohprah 2025 da u MLA jong ka Nongpoh Constituency u Bah Mayralborn Syiem haka jingiadonlang u Project Director u Raja Brahmah ki Rangbah Shnong ki nongkitkam ka seng kila ia don lang.
Ia ka ophis jong ka Iasnohktilang Village Organisation la shna lyngba ka skhim MGNREGS bad ia ka iing Doarbar shnong jong ka shnong Mawphrow la shna na ka skhim DRWP.
Haba kren kum u kongsan u bah Mayralborn Syiem MLA u la ong ba ka shnong Mawphrow ka dei ka Shnong kaba pher naki bapher tam hapoh ka Ri Bhoi district bad hapoh ka jylla hi baroh kawei. Ba dei lyngba ka jingtrei shitom jong ka Iasnohktilang Village Organisation kala lah shisha ban pynkiew haka kam rep kam riang khamtam ia u Sohtrun u ba mih napoh kane ka Shnong.
U la Ong ba kum u MLA u dang khmieh lynti shuh shuh ba kane ka seng kan dang lah ban pyntyllun iaki kam ki jam ki jong ngi ban nang kiew haka ioh ka kot. Ha kane ka juh ka sngi naka liang u MLA u la ai daka kot jingbthah kaba 2Lak Tyngka sha ka Shnong Mawphrow ban shna iaka painkhan.
