Shillong, Naiwieng 10: Ka Kong Trinity Saioo, ka long kmie kaba don 6 ngut ki khun ba kynthup 3ngut ki khunshynrangbad 3 ngut ki khun kynthei kadei kaba sah ha shnong Mulieh ha West Jaintia Hills District jong ka jylla Meghalaya. Ka shnong jong ka, kalong ka shnong ka bym da paw kaba don 230 tylli ki longiing bad kiba dang im ha ka rukom rep tynrai.
Kaei kaba kham phylla shaphang kane ka shnong kalong ba baroh ki long iing hangne mynta ki thung bad rep ia u shynraiLakadong ba pawnam bha, bad kane ka la jia long namar ka rukom saindur ba thymmai bad ka jingtrei shitom jong kawei ka longkmie, kaba pyni nuksa kaba bha bad kaba long ka nongprat lynti.
Ka Lakadong CD Block jong ka West Jaintia Hills District jong ka jylla Meghalaya ka la pawnam bha bad ka don ka jingdawa kaba palat 7.5% ia une u jaitshynrai ha ki iew namar u don ka jingmad kaba kham pher, ka jingsma bad ka rongstemkaba phuh.
La kha ha ka 1 tarik Nohprah,1972, ka Kong Saioo kaba long ka nonghikai, ka la shim ia ka jingkitkhliehhalade ban iarap ia la ki para shnong jong ka bad ka la leit pan jingiarap na ka Spices Board kaba don ha nongbah Shillong.
Namar ki jingiarap ba la ioh na ka Spices Board bad ki jingtrei shitom jong ka, ka la don ka jingkylla ha ka ioh ka kot jong ki nongrep jong ka shnong Mulieh namar ka jingpynkyllashaka jingthungshynraiLakadong kaba la kyntiew arshah ia ka ioh ka kot jong ki na kaei kaba ki jukamai ha ki por ba la leit.
Ka Kong Saioo ka la ai mynsiem bad pynshlur ruh iaarngut kiwei pat ki paranongrep jong ka, kiba la ioh ban shna iing lajong lyngbaka jingthungbad rep ia ushynraiLakadong.
Naduh kata, kam shym la don shuh ka jingphaidienia kane ka shnong. Ka Kong Saioo ka la sdang ban ai mynsiem ia kiwei kiwei ki nongrep na ki shnong ba marjan kum ka shnong Madankynsaw, Mynktung, Rting, Pyntei bad Laskein ban pynkylla noh sha ka jingrepia u shynrai Lakadong.
Ka la pynshlur ia kumba 800 ngut ki nongrep ba kin thung ia u shynrai Lakadong ha ki shnong bapher bapher bad kajingwad bniah jong ka ICAR Research ka la pyni ba kane ka la iarap ban kyntiew ia u shynraiLakadonguba bun kyrhai ka curcumin.
Ka jingshlur bad ka jingialam jong ka Kong Saioo kala iarap ia ka ban rah shakhmat ia ka thong jong ka. Ryngkat 800 ngut ki nongrep, ka la sdang ia ka co-operative society kaba la tip kum ka “Ieng Skhem Spice Society.” Ka la pyniasoh ruh ia ka society jong ka bad ka “Life Spice Federation of Self Help Group of Laskein CD Block khnang banpynkhie im biang ia kane ka kynhun.
5.Ha u snem 2018, haba ka Sorkar jylla ka dang wad ia ki lad ban kyntiew ia ka jingpynmih ia u shynraiLakadong ha Laskein Block, ka Kong Saioo ka la ialam lynti ha ka jingkyntu ia ka sorkar jylla ba kan sdang ia ka ‘Lakadong Turmeric Mission’ da ka jingthmu ban kyntiew ia ka jingpynmih ia une u shynrai. Mynta kumba 100 tylli ki SHG kiba iadei bad u shynraiLakadong ki trei hapoh kakynhun jong ka.
Ha ka 15 tarik Risaw 2018, ka Tnat Sorkar Pdeng ka la pynkup burom ia ka Kong Saioo namar ka jingnohsynniang ba khraw jong ka bad ka rukom saindur ba thymmai ha ka jingialang rakhe ia ka MahilaKisan Divas 2018, kaba la long ha NASC Complex, Pusa New Delhi.
Ka la ioh pdiang ruh ia ka khusnam na u Myntri Sorkar Pdeng ba dei peit ia ka Tnat ka rep ka riang, u Radha Mohan Singh ha ka jingialang ba iadonlang 40 ngut kiwei ki longkmie kiba la leh ia ki kam ba khraw ha ka rep ka riangna kylleng ka ri.
U Nanandro B.Marak u dei u nongrep sohmarit bym pyndonkam dawai na West Garo Hills jong ka jylla Meghalaya. Ha kaba nyngkong, u la sdang ban thung ia u “Karimunda” u jaitsohmarit, uba pynmih ia ki sohmarit ba kham heh.
La kha ha ka 27 tarik Lber, 1958, u Marak u wanna ka long iing kaba duna ka ioh ka kot. Ha kaba nyngkong, u la sdang da ka jingbei tyngka kaba T. 10,000. Katba dang iaid ki snem, u sdang ban kyntiew ia ka jingbei tyngka bad kumta ka jingmih ruh ka sdang ban kiew.
Ha ki 3 snem ba nyngkong ka la don ka jingjingjulorha ki jingthung jong u hynrei um shym la kynran dien, pynban u iaineh bad ka rukom rep ka bym pyndonkam dawai. U sdang ban pyntbit ha ka rukom rep bym pyndonkam dawai lyngba ka jingpyndonkamia ki sboh kum ka eitmasi, vermicompost, bad kiwei kiwei.
U pyndonkam da ki kor Thresher ban pynstedia ka kam. Mynta na uwei u dieng lah ban ioh 3.2 kilo u jaitsohmarit ‘Karimunda’ kaba long baroh palat 10,000 kilo ka jinglah pynmih sohmarit ha ka shi snem.
U Marak u thung 100 tylli ki dieng man ka snem bad baroh u don 3400 tylli ki dieng ha ka jaka kaba 5 acre. Kumta ka International Pepper Community ka la ia u da ka nam “Best Pepper Grower from India” ha u snem 2018. U Marak u ju pynlong ruh ia ki prokram ai jinghikai na ka bynta ki nongrep bad kane ka la ai jingmyntoi ia palat 8000 ngut ki nongrep.
U Marak u la ioh pdiang ruh ia ka khusnam namar ki rukom saindur ba thymmai jong u ha ka kam rep sohmarit ha ka International Pepper Conference ba la long ha Vietnam ha u snem.
