Shillong, Naitung 15: Naduh bala ioh ia ka Khasi Hills Autonomous District Khasi Social Custom of Linage Act, 1997 kila doh 255 tylli ki jaid thymmai kiba la tang katkum ki kyndon jong katei ka ain ia kaba la mynjur da ka Executive Committee ka KHADC.
Ka Executive Committee kala buh ia ki kyndon kito kiba hap ban tang jaid ia kaba ki hap ban bud ryntih ban pynbiang ia ki kot kisla kiba don kam haba ia dei bad kane ka tnagjaid katkum ka tei ka ain jong ka KHADC.
Ka bynta kaba kongsan eh ha kaba ia dei bad ka tang jaid long, kito ki ban tangjaid ki hap ioh ia syrnot na rangbah kur ba kum ka kur kam don kano kano ka jingujor ha kaba ia dei bad ka jingtang jaid ia ki khun ki kti kiba kha na ka jingshong kha khleh.
Ka KHADC kala pyntrei kam ia katei ka ain ha ryngkat ki kyndon kaba kala shna bad ka da buh jingkhien ryntih ia baroh ki kur kiba la dep ban tang jaid ban pynthikna ba kito kiba tang jaid ha dien kin nym tang ia ka juh ka jaid kaba la dep ban don lypa.
