Shillong, Naitung 10: Ka Deputy Commissioner East Khasi Hills District kala ong ba kala ioh jingtip ba ka iew deilang ban die jhur ha jaka ieng kali ha Mawlonghat, kaba dei ka jaka pyniengkali jong Shillong Municipal Board ba kala wan rah ia ka jingkhapngiah bad ka jingbun briew.
Kane kala pynlong ba kam don shuh kata ka jingiabut ryntih iaki kyndon kiba la buh da ka tnad ka koit ka khiah jong ka sorkar jylla khamtam eh ha kaba ia dei bad ka jingpyniajngai kumba 2 metter lane 6 phut iwei na iwei.
Kumta katkum ka bor kaba la pynkut ha ka kyndon kaba 3 jong ka Meghalaya Epidemic Disease COVID-19, Regulation, 2020 bad baroh ki jingpynkylla kiba la wanrah, kumta ia ka jingpynlong ia kane ka iew la khang noh shipor haduh ban daw pyntip da kumwei pat.
Ia ka kynhun ban wat noh da kawei ka jaka yn sa thung noh ban peit da kawei pat ka jaka ba ynlah ban bud ia ki kyndon kiba la buh da ka tand ka koit ka khiah jong ka sorkar jylla ban iada na ka jingsaphriang jong kane ka khlam COVID-19.
