Shillong,Lber 26: Mynta ka sngi 26/Lber/2026 ka tnad pulit kala khot hajir ia u shongknor ka CoMSO u bah Roykupar Synrem u ba dei ruh u president ka HYC ha Sardar Police Station namar la don ba ai ejahar ha Lumdiengjri Police Station ha ka 14/Lber/2026 haba ia dei bad ka jingialang kaba la pynlong ha ka 11/Lber/2026 ha Motphran.
U shongknor ka CoMSO haba kren ha ki lat pathai khubor hadien ba la shah tohkit ha ki pulit la ong ba ka jingkynnoh ka long haba ia dei bad kato ka jingkren kaba la kren ha ka jingialang ha kaba kila shim kum ka jingiapher niam bad ka jingong jong u ba kin don ryngkat bad ki paralok Garo.
Kane ka ejahar kam dei kaba la ujor da mano re mano hynrei ka dei kaba la leh hi da ki pulit, ban ong ba kato ka jingkren ka jong u kan wanrah ia ka jingbymshongsuk shongsain, mynta ka sngi na ka liang jong u Ophisar ba tohkit u la shim ia ka jingkren bad na ka liang jong u ruh u la dep ban ai ka jingpynshai bad u la ong ba dei ban shim ia baroh ka jingkren ym ban shim tang ia kato ka bynta.
Ha kaba ia dei bad ka jingong ba ki kin iarah tiar ban don bad ki jaitbynriew Garo lada ki ki donkam u la kubur ia kaei kaba u la kren kum ki trai ri trai muluk lada ki Garo ki donkam ia ngi ngi ruh ngi donkam ia ki Garo hynrei ban ong ba un kynshoit ban iarah tiar pynmynsaw kam don kum kata kane ka dei kaba u la pynshai mynta ka sngi ha khmat u Ophisar ba tohkit.
