Shillong, Risaw 17: U President ka Meghalaya Pradesh Congress Committee (MPCC) u bah Vincent H Pala la iathuh ba u bah Knasing Lynshiang u la ia kynduh ia u ban pyntip ba un mih noh na ka party Congress bad leit noh sha ka party NPP.
U bah Pala la ong “Ngam tip ka NPP ka tyurwa katno namar u bah Kansing Lynshiang un mih noh na ka party Congress, hynrei la da ialeh na ka party Congress u don ka thong ban jop, hynrei mynta ym lah ban tip kaei kaban jia namar ki nongkyrshan ka party kin dang ia kynduh ia u”.
U bah Pala la kren shai ban jop ilekshon kam da dei eh tang ha ka pisa, hynrei ka kyntuo ruh ia ka nongrim kaba ka seng ka ieng, ka jinglong u kyrtong bad ka jingshaniah jong ki briew ruh ka dei ban don.
La ong ba ka Mawkynrew Konstitwensi la ong ba dei ban iaishah kato katne ngam tip sa kawei ruh ba kane ka party NPP kala bun pisa palat imat wat hapdeng ki nongialam ka NPP ruh kala don ka jingiakop ban ioh long myntri rangbah la dei na East ne na West.
U President ka MPCC u la ong ba imat ka jur bha ka jingiakop hapoh ka party NPP, ka jingkut lat ruh ka jur, ka jingiakop ruh ka jur na kata ka daw ki pyrshang ban kmieh ia ki kyrtong ka party Congress, ka daw ka long ba lada leit ban pynkhlain party ka NPP kim treh, ki pynkhlain ia ka party kum ka Congress bad ynda kila lah kisa leit sha ka NPP.
Hynrei kaei kaba ki lah ban leh ka long ba ki lah ban tan ia ki nongialam hynrei haduh katno kin lah ban tan ia ki nongkyrshan ka party Congress, ha ka jingshisha ka kaprty Congress kato kala iarap ban pynkiew hynrei haba u mih ki hap wat kyrtong biang.
U bah Pala la ong ba mynta kala suk bha ia ka party Congress ban leit sha ki paidbah namar ki kyrtong kidei kiba ym pat don dak bun ki kyrtong mynta dei kiba la don ka jingnang jingstad bad ki ophisar kiba la shongthait na ka kam bad kam don ka jingartatien ba kin sa leh bha mynta ban ia kaba la dep.
Haba ia dei bad u shimet la ong ba un ia khun na Sutnga Konstiwensi , u la ong ba ka dei ka jingshisha ba ia mynta ym pat lah ban leh bha namar u dang hap hap ban peit ia ka jylla bad kumu MP u hap ban don sha Delhi, hynrei ha kine ki khndait bnai ban wan uns a leit sha ka konstitwensi ba un ia khun ia ka MLA ielekshon.
Haba ia dei bad ka kam Myntri Rangbah, u bah Pala la ong ba baroh ki kyrtong kiba iakhun ia ka MLA ynda ki la jop ki kwah long myntri sorkar bad long myntri rangbah, naka liang jong u ruh lada ka wan kata ka lat u kloi ban shim ia ka lyngkor.
