Shillong, Nailur 04: U Myntri Rangbah ka jylla u Conrad K Sangma la ong ba ha kine ki sngi yn sa leit sha Delhi namar kan don ka jingialang jong ka GST Council bad ha kane ka jingleit un ia kynduh ia u myntri kam poh iing ka sorkar pdeng u Amit Shah ban ia kren ia ka kam ker ksianar shiah ha khappud bad ka Bangladesh.
U myntri rangbah ka jylla la ong ba ki don kumba 50 km ki jaka kiba khlem pat ker ksainar shiah ha khappud ka jylla Meghalaya bad ka Bangladesh, un sa ia kren namar ki donbun ki mat ban ia kren haba ia dei bad ka jingker ksianar shiah khatam ha ki bynta East Khasi Hills Disrict.
Ka jingiakren kam dei tang na ka bynta ka kam ker ksianar shiah hynrei yn ia kren ruh ia ki kam pynroi kiba ha khappud bad Bangladesh kiba la juh don baroh shikatta ban kyntiew ia ka roi ka par ha ki shnong khappud kiba don ha ka jngeh shisha.
La ong ba na ka liang jong ka sorkar kala dep thoh sha u myntri kam poh iing ban peit ba ka khappud kan long kaba shngian na kane ka jingjia ha Bangladesh bad u myntri am poh iing ka sorkar pdeng la kular ban nym shah ban wan rung wat tang u wei ruh sha India na Bangladesh.
La ong ba wat la ka jingshngian kala sdang ban don ha ka thie ka ri Bangladesh hynrei ki dang hap long kiba husiar ha khappud bad ka Bangladesh, la ong ba wat ka khaii pateng ruh kala sdang biang mynta bad katei ka ri.
