New Delhi, K.Lyngkot 29: Ka samoi ba nyngkong jong kine ki 10 snem ban wan kan sdang mynta ka sngi. Kine ki 10 snem ban wan ki long kiba donkam bha na ka bynta ka lawei jong ka India. Kumta ka don ka kabu ksiar hakhmat jong ka ri ban pynurlong mardor ia ki jingangnud jong ki nongiakhih na ka bynta ka jinglaitluid jong ka India.
Dei ban pyndonkam bha ia ka por ha kine ki 10 snem ban wan bad kumta kadei ban don ka jingiamir jingmut bad ka jingtyrwa ia ki jingsngew bapher bapher na ka bynta ka bha ka miat na ka bynta kine ki 10 snem. Kine kidei ki jingangnud jong ka ri.
“Nga ngeit skhem ba ha ka jingangnud bad ka jingkhmih lynti jong ki briew haba ki phah ia ngi sha ka Parliament, ngin ym kynran dien na ka jingpeit bniah ia ka jingpynurlong ia ki jingangud jong ki briew, da kaba pyndonkam ia kane ka jaka ba kyntang, ka Parliament bad bud ia ki kyndon jong ka synshar paidbah. Nga ngeit skhem ba baroh ki MP kin pynthikna ba kane ka samoi mang tyngka kan long kaba seisoh”.
Kane ka dei ruh ka samoi mang tyngka. Lehse, ha ka sien ba nyngkong ha India ka la jia ba ka Myntri Kam Pla tyngka jong ngi ka la hap ban ai 4-5 ki mang tyngka ba rit ha ki song tyngka bapher bapher ha u snem 2020. Kine ki mang tyngka ba rit ki la iarap bha ha u snem 2020 bad nga ngeit ba kane ka mang tyngka mynta ruh kan long shi bynta jong kine ki mang tyngka ba rit.
“Sa shisien, ma nga bad baroh ki MP jong baroh artylli ki iing dorbar thawain ka Parliament ngi kut jingmut bad ngin trei shitom ban kyrshan ia ka jingkyntu jong u President ka ri hapoh ka jingialam jong u”.
