Shillong, Naiwieng 11: U President ka All Meghalaya Dancer Association (AMDA) u bah Kitbok Thabah la ong ba u Steve Jyrwa un ioh ban wan shnong tang shisngi ban wan ai khublei ia ki paidbah ka jylla namar u hap ban ia shim bynta ha ka “Super Dancer”.
Haba kren ha ki lat pathai khubor mynta ka sngi ha Shillong Press Club u bah Kitbok la ong ba iaka tarik haduh mynta kim pat pyntip, ynda la ioh ia ka jingtip na ka Sony T.v ynsa pyntip sha ki paidbah ka jylla bad ha kano ka jaka yn pynlong.
Kane ka jingjop jong u iaka Best Dancer mynta la ioh rung beit sha ka Super Dance, kumta la kyrpad ia ki paidbah ba kin dang kyrshan kumba kila kyrshan ha kine ki sngi kiba la dep ba kin ia kyrshan lang.
Ha kane ka sngi ka B. Jyrwa kala ong ba ka burom ka leit sha u nongbuh nongthaw bad ia kiba ha iing ha sem bad ka jingkhublei ka leit sha ki paidbah kiba la pynjop don burom , ia u myntri rangbah ka jylla, bah Prestone, Paul bad A L Hek kiba la noh syniang.
U bah Blees Dkhar ruh ha ka jingkren jong u la ai khublei ia ki paidbah kiba la ioh ban jop ia ka jingiakop shad kaba la long ha Mumbai bad ka jingkhublei ia ka jylla baroh kawei bad ka jingiarap ruh ia ka AMDA.
