Shillong, Naiwieng 14: Ka seng National people party (NPP) shen kan sapynbna noh ia ki kyrtong ki ban iakhunia ka election MP ong u bah PrestoneTyngsong State President jong ka party.
Haba kren ha ki lat pathai khubor u bah PrestoneTynsong u la ong ba ha duh mynta ki la don kumba 5 ne 6 ngut ki ba la pan ticket ban ia khun ia ka MP elekshon na ka seng NPP ka ban long ha u snem 2024.
Ha ka baiadei bad ka jingiakren iasuk ka seng kingatiar ka HNLC bad ka sorkar na ka liang u bah Prestone u la pyn paw ba kane ka kam ka dang iaid sha khmat bad u la ong ba mynta ka sorkar jylla bad kum juh ka sorkar pdeng ka long ka ba la kloi ban iakren bad ka seng HNLC.
U Symbut myntri rangbah ka jylla ba bat kum ia ka tnad kam poh iing u la pynpaw ba ka sorkar ka dang ap ia ka rai na ka seng HNLC ban iakren bad ki nongialam ki bakham ha kmat .Ha ka juh ka por u la buh ruh ia ka jingkyrpad a ka seng HNLC bakan pynkloi bad bakan ai jingtip sha ka sorkar.
U la ong ba ka sorkar ka da khmieh lynti eh ba ha kane ka jingiakren iasuk ha ka wad ka ba ar kan long ha pdeng ka sorkar bad ki heh nongialam jong ka seng , bad u la pyn paw ruh ba kino kino ki jingthmu ba ka seng ka don ka sorkar ka long ka ba la kloi ban iakren.
