Shillong, Lber 16: Ha ka 14 tarik u lber 2026 ka KSU NEHU Unit hapoh ka jingialam ka samla Ibakordor Marwein General secretary, ka la ioh ia ka lad ban leit ai jingiarap ia ki khynnah jong ka Neima children’s home pynursla halor ka Phang pdeng: “To long u symbai jong ka Jingbha”.
Ha katei ka sngi la ia don lang ruh u babu khonglah u ba dei nongpyniad bad nongpeit jong katei ka jaka ri khunswet u ba la iathuh ba ka daw ka ba pynlong ia ki nongpyniad jong katei ka jaka ri khunswet ban shim ia ka rai ban seng ia ka tei ka jaka ka long namar ba bun na ki kynnnah ki bym don kmie don kpa shuh ki hap ban lei sah sha kiwei pat ki jylla lyngba ka jingiarap ki misson ba nabar.
Kumta ki la shim ia ka rai ban seng ka katei ka jaka ri khunswet. u la iathuh ruh ka ki dang don shibun ki ba kwah ban wan ha katei ka jaka hynrei kim lah shuh ban pdiang ba la khapngiah ka jaka. Ha katei ka sngi ki dkhot bad nongialam ka KSU ki la ioh ruh ban lehkmen bad lehkai sngewbha bad ki khynnah jong ka Neima.
Haka juh ka por nalor ki jing ai sngew bha bad ki lad jing iarap naka liang ka KSU NEHU UNIT lah ioh ruh ban pynlong ia ka jing ialeh kai pynbyrngia ia baroh ki khynnah naduh ki klas Nursery, KG, ter ter haduh ki klas 12 kum ka dak ban wan rah ka jing kmen bad ka jing Ieid bad dur khmat ba phuh samrkhie . Ha kane ka sngi la sakhi ruh ia shibun ki sap ki phong jong kine ki Khynnah.
Ka jingthmu jong ka KSU Nehu Unit ban wan jngoh bad ban ai Mynsiem ia ki ba kin nym duh jingkyrmen hynrei ba kin iai don ia kata ka Mynsiem jong ka jingkmen bad ba kin ieng bad minot thop ha ki jing pule ki jong ki khnang ba lashai la shi sngi kin ioh ban iarap kylliang ia ki wei pad ki ba shem jing jynjar shem lanot.
“Ngi kyrmen skhem ba Ka jing leit jngoh ka jong ngi kan long kum ka jing ai Mynsiem bad kumjuh ruh ka nuksa sha ka imlang ka sah lah ba kin ia ai lang ka kti kamon kti kadiang na ka bynta kitei ki khynnah rit ki ba shong ba sah hakatei ka jaka ri khunswet”.
