Shillong, Rymphang 26: Ka shongkha khynnah ka dei ka shongkurim hapdeng ki khynnah ba hapoh18 snem ka rta, ka long kawei na ki daw ka ban wan rah jingeh ia kito kiba shongkurim hapoh 18 snem ka rta ka ban ktah ia ki jingpule puthi, ka koit ka khiah, ka ioh ka kot bad kumta ter ter.
Kumta ka Sorkar ban iada na kine kiei kiei kala pynskhem da ka ain ban kem ia kito kiba shongkurim hapoh 18 snem ka rta bad ki ba pynshong kurim.
Kawei na ki khynnah skul JNV ka la batai ba da ka jingpyntreikam da ki jingialap, ai jinghikai ha kaba iadei bad ka shongkha khynnah ia ki jingeh kiba mih bad kane kan wan rah ia ka jingmyntoi na ka bynta ki nongshong shnong la ka long ia kiba sah ha sor ne ha nongkyndong.
Kum ki kmie ki kpa, kiba haiing ba hasem, ki nongshong shnong, lane ka ri bad ka jaitbynriew hi baroh kawei da ka jingiatreilang ban ia mir jingmut ban ia tylli lang, ban pynsaphriang ïa ka khubor, bad ban pynkut noh ïa ka shongkha khynnah ha ka jaitbynriew hi baroh kawei.
Kum ka samla pule, ka jingthmu jong ka na ka bynta ka lawei jong ka ri ka long ban pynsangeh bad ban pynduh jait ïa ka jingïashongkha khynnah bad donkam ban pyntip bad ai jinghikai khamtam ia kito ki bym nang bym stad ba ki khynnah kynthei ki ba hapoh 18 snem ka rta bad ki khynnah shynrang kiba hapoh 21 snem ka rta kim lah ban shongkurim.
Kane ka aiñ la pyntreikam da ka sorkar pdeng ban ïada na ka jingïashongkha khynnah. Bad kane ka ain la tip kum ka Child Marriage Act, 2006, ka maham ba lada don kino kino ki nongshong shnong ne ki longïing kiba dang leh ïa kane ka kam, ki paidbah ki lah ban ujor sha ki bor ba dei peit.
Ka nongthoh ia kane, ka jingthmu jong ka na ka bynta ka lawei jong ka ri ban pynduh ïa ka jingshongkha khynnah bad donkam ban pynsngewthuh sha ki paidbah nongshong shnong shaphang kane ka ain kaba khang ban iashongkha khynnah.
Khlem da pynpaw ia ka kyrteng jong ka nongthoh, kala kren shai ba donkam ban ai ka jinghikai da ki jingpynshai paidbah iaka shongkurim khynnah sha ki shnong ki thaw da kaba ai ia kane ka jingpyrta, ong hooid ia ka pule puthi bad e mia shongkha khynnah.
