New Delhi, Nailar 11: Ka Tnad Deiriti, Sorkar India, ka pynbna ia ka bynta kaba 4 jong ka campaign HarGharTiranga, kaba la sdang hapoh ka Azadi Ka AmritMahotsav, ban ai mynsiem ia ki nongshong shnong ha kylleng ka ri ban wanrah ia ka Lama jong ka Ri — ka Tiranga — ha ki iing bad ki dohnud jong ki.
U Myntri Sorkar pdeng ba dei khmih ia ka Tnad Deiriti bad Kam Jngohkai, Gajendra Singh Shekhawat u la ong, mynta u snem, ngin sa rakhe ia ka bynta kaba saw jong ka campaign Tiranga, ha kaba palat 5 lak ngut ki samla ki la pynrung kyrteng kum ki nongtrei mon sngewbha. Kine ki samla kin ai mynsiemia ki briew na ka bynta ka campaign Tiranga.
Haba ai jingkren ha ka jingialang bad ki lad pathain khubor hangne mynta ka sngi, u Shekhawat u la ong, ka HarGharTiranga ka long kham palat ban ia ka jingialap ka dei ka jingiakhih kaba pynkhihmynsiem kaba pyniatylli ia 1.4 billion ki nong India hapoh ki rong ba iaineh jong ka Lama ka Ri jong ngi.
Ka thmu ban wanrah ia ka jingieid ri, ban kyntiew ia ka jingsngew sarong ban long ki nongshong shnong bad pynsaphriang ia ka jingsngewthuh shaphang ka jingkongsan jong ka Tiranga kum ka dak kaba im jong ka synsharpaidbah bad ka jinglaitluid jong ngi.
Ha kane ka sngi, u VivekAggarwal, Secretary, Tnad Deiriti u la ai ia ka jingbatai bniah halor ka Campaign Tiranga ryngkat ka jingbatai lyngba ka PowerPoint. U AbhijitSinha, Additional Secretary, Tnad Kam pohïing bad u Samir Kumar, Economic Advisor, Tnad Jal Shakti ki la ai ïa ki jingtip ba bniah halor ki jingïalang ban pynlong da la ki jong ki jong ki tnad treikam jong ka sorkarpdeng. Ha kane ka sngi la donlang ruh ki heh ophisarna ka Central Armed Police Force (CAPF), ka Tnad Deiriti.
La saindur ban pynkylla ïa ka jingïadei hapdeng ki nongshong shnong bad ka Lama ka Ri sha ka jingïadei kaba jylliew bha, ka HarGharTiranga ka pynshlur ïa uwei pa uwei u nong India ban pynherïa ka Tiranga da ka jingsngew sarong bad ka burom, kaba pynpaw ïa ka jingrakhe ïa ka jinglaitluid jong ka ri India.
Ka sienjam ka long kaba kordorbha — ban wanrah ia ka Tiranga sha la iing kam dei tang ka jingpynpaw ia ka jingiadei shimet hynrei ka dei ruh ka jingpynskhem biang ia ka jingaiti lang jong ngi ha kaba tei ia ka ri.
Ka long kum ka jingpynkynmawia ki jinglenlade ba la leh na ka bynta ka jinglaitluid jong ngi bad kum ka jingbamsmai ban pynneh ia ki jinglong jong ka jingiatylli, ka jingbha bad ka jingkiew shaphrang.
Ka Tnad Deiriti ka dei ka Tnad ba kongsan na ka bynta kane ka camapign bad ka ïatreilang bad ki Sorkar Jylla, ki Union Territory, ki jaka pule, ki sengbhalang, bad ki paidbahnongshong shnong ban pynthikna ïa ka jingïashim bynta kaba iar.
La kyntu ïa ki nongshong shnong ban pynherïa u Tiranga ha ki ïing ki sem jong ki, ki ophis treikam, bad ki jaka paidbah, bad ban ïasamïa ki jingrakhe jong ki lyngba ki dur bad ki khana ha ki social media da kaba pyndonkam ïa u hashtag #HarGharTiranga.
Lyngba ka jingïashim bynta shitrhem ha kine ki lai snem ba la leitnoh, ka HarGharTiranga ka la kylla long ka jingïakhih jong ki paidbah — kaba pynkylla ïa ka Sngi Laitluid sha ka jingrakhe kaba iphuhiphieng, ka jingrakhe ha ka ri baroh kawei jong ka jingïatylli hapdeng ka jingiar.
Ka bynta jong u snem 2025 ka thmu ban poi sha ki kyrdan kiba kham heh shuh shuh, da kaba pynskhem biang ia ka mynsiemieid ri bad jingsarong jong ngi
