Shillong, Jymmang 26: Mynta ka sngi ka seng samla pule ka KSU lyngba ka shnat trei kam ka seng kaba la tip kum ka “Consumer and Farmers Protection Cell” hapoh ka jingialam jong u samla Eric Nongkynrieh secretary kila leit ban jurip ia ki iew die jhur kiba don ha sor bad khap sor.
U samla Eric Nongkynrieh u la ong ba ha kane ka jingleit jong ki ban ia kynduh ia ki nongrep na ka liang jong ka KSU kala shem ba ki nongrep kila shah ban bein, ha kaba bun buh ki kali kit marrep kila shah pynphai noh shiteng lynti ha ki pulit.
U tei u samla u la ong ba mynta ka sngi kumba 60 tylli tam ki kali kit marrep kila shah pynphai noh na shiteng lynti bad kum ka seng ka sngewkhai bha ia kane ka jingbym ailad ha kine ki sngi bad kum ka seng kala leit ban kren bad la pynlait ia ki, lada ka sorkar kam pynlait sha ei kin leit die.
Haba ia dei bad ki pass kali la iohi ia ka jingpynbeit thymmai ka sorkar na ka bynta ki nongrep, hynrei bun ki dang klumar namar ki bor sorkar ruh ki dang klumar ia kane bad na ka liang jong ka KSU kala dawai ba dei ban ai bun sngi ia ka pass ym tang shisngi. Ka ophis jong ki DC, ki BDO ki nongkit kam shnong kin shim khia ia kane khnang ba kin suk ki nongrep.
Ha dien ka jingleit jurip na ka liang jong ka seng KSU ka pynpaw ia ka jingsngewsih ban iohi ia ka jingkren tohmet ia ki nongrep, ka seng KSU kabuh ka jingkylli balei kren tohmet ia ki nongrep lada ia kiwei kibriew na kiwei ki jylla shah ia ki ban wan hato ki matlah ban iohi ia ki nongrep ka jylla.
Ka KSU ka kyntu ia ki bor ba dei peit ba kin peit kino ki bynta ban pyrkhing bad kumno bannym pyrkhing, lada ka sorkar kam iarap mano ban iarap la kyntu ia u mytnri kam poh iing ban iarap ia ki nongrep.
