Shillong, Risaw 19: Ka Khasi Student Union War Jaintia Circle mynhynne ka sngi ka la leit ban pan daka hok ban a
i jingtip ( Right To Information) na ophis treikam jong ka Directorate Of School Education and Literacy Shillong naka bynta ban tip khambniah halor ka jingpyntrei iaka Residential School kaba don haka Shnong Pdengshakap Amlarem Sub Division.
Lah ban pynkynmaw ba dang hakine ki taiew ba ladep ka Seng ka la leit jurip iaka Residential School kaba don haka shnong Pdengshakap bad la lap ba u Contractor uba trei iakatei ka Skul ula shu trei torti sha ba palat hakaba bun ki kynroh jong ka iingskul kila kad lut ( crack) bad ki kamra klas ruh bun kiba pei um suda.
Halor kane ka jingtrei torti jong u Contractor naka liang ka Seng hynne ka sngi ka la leit ban wad syndon daka RTI naka tnad pule puthi ban ioh jingtip shuh shuh halor ka jingpyntrei iakatei ka iingskul. Haka RTI ba la pan daka Seng la ia soi lang da u Samla Laitphar Syngkrem President ka Seng bad u Samla Lurman Talang General Secy ka Seng,
” Ngim kwah ba ka jingtrei iaka Iìngskul kan long kaba shu trei torti tang ban pyndep rukom” la ong u samla Laitphar Syngkrem President ka KSU War Jaintia Circle, ” Ka Seng kan iai buddien iakane ka kam khnang ba ka jingtrei iakatei ka skul kan nym long sepei” ula pynkut.
