Shillong, Lber 09: U shongknor jong ka Meghalaya Human Rights Commission (MHRC) u justice T. Vaiphei u la shongthait na ka kam kum u shongknor ha ka 29/Kyllalyngkot /2026 hynrei mynta la shi bnai tam ka sorkar kam pat thung thymmai da u wei u shongknor ha katei ka commission.
U secretary ka MHRC u L.Ch.Marak u secretary ka MHRC haba kren ha u SP News Agency u la iathuh ba ka dei ka jingshisha ba u shongknor barim u justice T. Vaiphei u la shongthait kum u shongknor ha u bnai kyllalyngkot 2026 bad mynta ki dang ap khmih lynti ba ka sorkar kan thung thymai noh ha kane ka kam kaba thylli.
Ban long u shongknor jong ka MHRC u dei ban long u nongbishar jong ki High Court ne u dei ban long u nongbishar ba la shongthait na ki High Court jong ka ri bad ban thung shongknor ka hap ban rai ha ka kabinet, na pdeng ki kyrteng lada don palat ia kawei ka kyrteng.
Kumba ka long mynta ka MHRC kam don ia u shongknor hynrei ka don ia ki dkhot kiba dei u wei na ka liang jong ka ain bad u wei pat ba dei na ka liang jong ki riew paidbah, ka shong ha ka sorkar ban shim ia ka rai ban thung noh ia u shongknor hapoh ka MHRC.
