Shillong, Jymmang 16: U Bah AL Hek u nongialam ka party BJP mynta ka sngi u la ong ba ka Meghalaya BJP State Unit ka pdiang sngewbha ia ka rai jong ka sorkar ban don kawei ka kard Ration kawei ka Ri.
Haba kren ha ki lad pathai khubor mynta ka sngi u la ong ba da kane ka rai jong ka sorkar pdeng kan iarap shibun ia ki paidbah nongshong shnong jong ka Ri India ban ioh ia ki jingiarap jong ka sorkar pdeng namar kumba ka long ha kine ki por kiba la leit kala buh jingeh ia ki nongbam ration.
U Bah AL Hek u la ong ba kaei kaba la jia ka long ba lada u briew u sah ha Pynthor bad u leit sah noh sha Polo u hap ban leit shim ia u khaw ration na Pynthor namar ba u don ha katei ka jaka um lah ban shim na polo, hynrei da kane ka rai u nongbam khaw un shim na kano kano ka dukan kaba jan eh.
Ha ka juh ka por u la batai shuh shuh ba lada u briew na Meghalaya u leit ban sah noh sha Mumbai une u juh u briew un ioh ia u khaw ration ha katei ka jaka ruh kum juh. Kane ka long ka jingiarap da kaba don tang kawei ka Kard Ration kawei ka Ri.
Haba ia dei bad ka jingpynbna jong u myntri rangbah duh jogn ka Ri Ban ber pisa T.20 lak klur tyngka kane kan iarap ha kaba pynkiew ia ka ioh ka kot jong ki paidbah kane ka Ri India khamtam eh eh ia kiba duna ha ka ioh ka kot, kum ki nongrep, ki nongdie madan, ia ki nongtrei bylla kiba hap ban leit nawei sha wei.
