Shillong, Nailar 23: Ka iing dorbar jong ka Khasi Hills Autonomous District Council (KHADC) ha ka dorbar kaba kyrpang kaba la khot mynta ka sngi kala pdiang ia ka Khasi Hills Autonomous District Council (Constitution of District Council) (Amendment) Rules, 2024.
U Deputy Chief Executive Member jong ka KHADC u bah P N Syiem u la wan rah ia ka kaiphot jong ka “Select Committee” ha kaba ia dei bad ka Delimitation, ka jingpynwandur thymmai ia ki MDC Konstitwensi kiba hap ha ka KHADC.
Ha dien ba la wan rah ia ka kaiphot, u shongknor ka iing dorbar u bah Lamphrang Blah la pyntip ba u nongialam ka liang pyrhah u Bah T W Chyne u la wan rah ia ka jingpynkylla ia ki rule bad la ailad ban pynsngew hapoh ka iing dorbar.
Na ka liang jong u bah T W Chyne haba kren la ong ba ki paidbah kila kynnoh haba ia ei bad ka MDC elelction bad kala don ruh ka jingshah kynnoh, kumta u wan rah ia kane ka jingpynkylla ia ki rule ka long ba ka iing dorbar kan pdiang noh khlem da ia kren ruh namar la dep ban ia kren hapoh ka Select Committee.
Halor ka jingkyrpad jong u nongialam ka liang pyrshah ka iing dobar jong ka KHADC kala pdiang bad la shah ia u Deputy CEM ka KHADC ban rah hapoh ka iing ia ka Delimitation bad khlem da ia kren ei ei shuh ka iing dorbar kala pdiang ia kane ka bill ba ia dei bad ka jingpynkylla ia ki shong ki thaw ha ki MDC konstitwensi.
