New Delhi, Nohprah 18: Ia ka Sabka Bima Sabki Raksha (Amendment of Insurance Laws) Bill, 2025 la mynjur da ka Parliament ha ka 17.12.2025. Kane ka bill ka pynkylla ia lai tylli ki Ain kiba iadei bad ka kam insurance, kata, ka The Insurance Act,1938, The Life Insurance Corporation Act, 1956 bad ka The Insurance Regulatory and Development Authority Act, 1999.
Kawei na ki mat ba kongsan jong kane ka bill ka long ban ailad haduh 100% ka Foreign Direct Investment ha ki kompeni Insurance, kaba plie lad shuh shuh ïa ki kynhun nabar ri ban wan sha India. Kane kan iarap ha ka jingkyntiew ia ka pisa tyngka, ka jingpdiang ia ka teknoloji ba thymmai bad ban wanrah ia ki rukom treikam kiba bha tam ha ka pyrthei ryngkat bad ka jingkyntiew ia ki lad ioh kam.
Ka jingkyntiew ia ka jingiakhun kan wanrah ia ka jingbha ki mar bad ki jingshakri kiba long ka jingmyntoi ia ki nongshong shnong. La kyntiew ia ka jingsuk ban sdang ia ka kam khaii pateng na ka bynta ki nongpyntreikam lyngba ka jingwanrah ia ka jingpynbiang ia ka jingai laisen kaba shisien bad ka jingpynbiang ia ka jingpynsangeh ia ka laisen ban ia kaba pyndam syndon.
Na ka bynta ki nongshim insurance, la kyntiew ia u pud ban pan ia ka jingmynjur shwa katkum ka ain na ka bynta ban pynkylla ia ka pisa ba don bynta na ka 1% sha ka 5%, ia ka jingdonkam jong ka Net Owned Fund jong ki Foreign Reinsurance Branch la pynduna na ka T.5,000 Klur sha ka T.1,000 Klur. La ai bor ia ka LIC ban plie ia ki Zonal office ha ka ri bad ban pyniahap ia ki oph shabar ri bad ki ain bad ki kyndon jong ka jaka ba ki treikam.
Ban iada ia ka jingmyntoi jong ki nongshim Policy, yn sdang ia ka fund ba kyrpang, kata ka Policyholders’ Education and Protection Fund ban pynphriang jingtip shaphang ka insurance. Mynta yn donkam ban lum bad ïada ïa ki jingtip jong ki nongshim policy katkum ka DPDP Act 2023.
La pynkhlain ia ka jingsynshar ba la pynbeit ryntih da kaba wanrah ia ka rukom treikam kaba thikna na ka bynta ban shna ia ki kyndon bad ban bthah ia ka rukom treikam kaba iamir jingmut.
La ai bor ia ka IRDAI ban weng ia ki jingiohnong lyngba ki rukom treikam ki bym iahap da ki nongai insurance bad ki nongpyntreikam. La pynbeit ryntih ia ki jingpynshitom bad la wanrah ia ki daw ban pynngat ia ki jingpynshitom.
Ki jingpynkylla ki long ban pyniar ia ka jingpynbiang insurance ia ki briew, ki longing bad ki karkhana, ban pyniar ia ka jingpynbiang insurance, ban pynsuk ban sdang ia ki kam khaii pateng, ban kyntiew ia ka jingpeit bad jingsynshar jong ki ain. Kine ki sienjam baroh kin ialam sha ka jingpynkhlain ia ka kam insurance jong ka India ban pynskhem ia ka kam pisa tyngka na ka bynta ka ioh ka kot jong ka India.
