Shillong, Kyllalyngkot 18: Mynta ka sngi u Lamphang ka iing dorbar thawain ka jylla u Thomas A Sangma u la phah ia ka khubor sngewlem halor ka jingkhlad noh u Rev Dr. R R Cunville u wei na ki nongialap niam jong ki khrsitan ba pawnam.
U Lamphang ka iing dorbar u la ong ba ki paidbah kin sa kynmaw burom ia u kumu wei na ki riewniam bala aiti ia la ka jingim ban shakri ia kam niam na ka bynta ki kam jong u blei, ka jingsngewrit ka jong u kala pynlong ban ioh ia ka jingieit jong baroh ki briew.
U Lamphang ka iing dorbar u la pynkynmaw ia ka jingdon lang jong u ha ka jingrakhe ia ka Khristmas ha iing dorbar thawain ka jylla ha u snem 2023 ha kaba u la ai ka jingkren kaba pynsah kynmaw ia baroh.
