Shillong, Risaw 28: Ki briew kiba shong dawdong ka Iew Laitumkhrah mynta ka sngi ha ka por 5.00 baje mynstep kila iohi ia ka jingklang jong ka dieng ha ka Iew Laitumkhrah kaba don sha jrong kaba ki don 84 tylli ki dukan.
Baroh kitei ki dukan kiba la don ha ka tei ka mala kila julor, ki dukan kiba don ki long kum ki dukan jhur, dukan jain, kadaw jongka jingpluh la suba ba ka jingpluh kane ka dei na ka jingthud ha ka bor dingeleltrik.
Kong Ampareen Lyngdoh MLA jong kane ka jaka ka la ong ba la ioh ia ka jingklang jong ka ding por san baje ei ei bad na ka liang jong ki pulit pynlip ding ruh kila poi biang por ban tem ia kane ka jingklang ka ding.
La iathuh ba baroh ki dukan kiba don ha kane ka iew kaba sha jrong kiba la pluh ki don 84 tylli, la ong ba kin wat lat kumno ba kine kiba shong dukan kin ioh biang, la ia kren bad u kontraktor ba pyntrei ia ka iiew thymmai la ong ba ki lah ban pynbiang jaka la kumno kumno kan shim por 15 sngi ei ei.
Ka kong Ampareen kala ong ka don ka jaka jong ka shnong ha katei ka jaka kin pynshna shipor ba kin ioh ban sdang biang ia ka kam bad kane kan shim por la kumno kumno 10 sngi haduh 15 sngi, hapdeng kane kan wat lat kumno ba kin ioh ia ki jingdon kam katba ym pat ioh shnong dukan.
La iathuh ba ki briew jong ka Muncipal bad na ka tnad pynlip ding kin shim ia ka jingkhein katno ka jingduh, la iathuh ba ka shnong ruh kan ia shong jingialang mynta mynstep bad ha ka por 4.00 baje shibit jan miet kin ia kynduhia u myntri rangbah ka jylla halor kane ka jingjia.
U bah Andrew Jyrwa rangbah shnogn Laitumkhreh u la iathuh ba la ioh ia ka jingtip san duna ei ei bad la antad kane ka jingklang ka ding kala sdang malu mala ki por saw baje tam ne duna, ia kadaw ym pat lah ban tip namar ki bor ka ain kin dang tohkit.
