Shillong, Jymmang 26: Mynta ka sngi ha ka pir 7.15 baje mynstep kala don ka jingpom pyrthad ia kawei ka iing ha shnong Lumdaitkhla hapoh Ri Bhoi District.
U bah S T Rympei Rangbah shnong ka Lumdaitkhla u la iathuh ba kane ka iing kaba la iengkhong ha ka jingsha pom pyrthad mynta ka sngi ka dei ka iing jong u bah Bikos Rani kaba u ai wai sha ki khynnah skul.
La iathuh ba ha kane ka por ba pom u pyrthat ym don briew ha kane ka iing namar ki khynnah skul kiba shong ha kane ka iing kila leit phai sha la ki shnong namar kane ka jingpakhang.
La iathuh ba ha kane ka por ba jia kumne ka don ka Ieitbha Muktih hynrei kam shym don kano kano ka jingmynsaw. Ha kane ka jingjia ka iing kala ingkhong hynrei kam shym don ka jingktah ia ka mynsiem briew.
U MLA jong kane ka jaka u bah George B Lyngdoh mar ia ioh ia kane ka jingtip u la leit sha katei ka shnong bad na ka liang jong u MLA u noh jingiarap sha u trai iing bala shah ktah ha kane ka jingpynjot ka mariang.
