Shillong, Rymphang 03: Ka United Democratic Alliance (UDA) hapoh jong ka Khasi Hills Autonomous District Council kala pra, ha kaba u Bah Paul Lyngdoh working President ka party UDP bad u Bah Teiborlang Pathaw ki la leit ban ai ka jingkyrshah ia ka Executive Committee jong u Bah Latiplang Kharkongor.
U bah Paul Lyngdoh bad u Bah Teiborlang Pathaw kila phah ia ka shithi ai jingkyrshan sha u Bah Latiplang ha ka sngi u Blei, ia kane ka shithi kila ia soi lang baroh arngut bad la phah ruh ia kane ka jingpyntip sha u bah PN Syiem lamphang jong ka KHADC.
Da ka jingwan jong kine ki ar ngut ka kynhun United Progressive Forum hapoh ka jingialam jong u bah Latiplang ha KHADC kala kiew biang ka jingdon briew sha ka khatsan ngut. La sngewthuh ba kin dang don shuh ki MDC ki ban leit ban ai jingkyrshan ia ka EC u bah Latiplang.
