Shillong, Iaiong 05: Kawei ka trok khleh dewbilat kala pra phom ha ka jingleit ban tynrah ia ka kynroh ha Laimer Upper Shillong, kane ka trok ka dang wan hiar na ki thian sawmer bad da poi khaidong kala leit tynrah ia ka kynroh.
Kumba ka paw u nongniah ia kane katei ka trok um lah shuh ban teh lakam bad la leit ban tynrah ia ka kynroh bad ka kali kala praphom, ia ka number jong ka kali ym lah ban tip namar la dep ban weng ha dein ba kala leit ban tynrah ia ka kynroh.
Haba ia dei bad u nongniah ia kane ka trok ym shym la lah ban tip la u la mynsaw ne kumno namar ym shym la don shuh ha kane ka jaka bad kaba don dei sa tang ka trok kaba khlem pat tan ia ka namar ka dang don ha katei ka surok Laimer.
Kumba ka long ka kane ka surok na duh Umsherpi haduh Pomlum Sawdew ka jingshna ia ka surok ban iaid saw tylli ki kali ha ka juh ka por la dep bad kaba sah mynta ka long sa tang ban pynbha ia kiba duna bad ka jingniah kali ki briew ruh kila pynher sted.
