Shillong, Naiwieng 17: Ka kong Titibon Nongrum kala ujor da ka ejahar sha ki pulit jong ka Madanryting ha ka 12/11/2024 ki briew kiba ym lah ban tip kila prong jubor ha iing sah jong ka ha Mawblei.
Ki riew sniew kiba la prong jubor ha iing sah jong ka ha Mawblei Block-B kila ioh ban lute bad rah ia ka pisa pliah T.40000/- tyngka, kila ioh ban rah ia ka ksiar kaba shongdorbar T.4,00,000/- tyngka baroh kala kot sha ka T.4,40,000/- tyngka.
Ki riew sniew kila tuh ruh ia ka phone bad ki kai kot ki sla kiba don kam na iing jong ka, halor kane ki pulit kila register ia ka ejahar bad ka jingthohkit ka dang iaid sha khmat ban lap ia ki riew sniew.
Ha kawei pat ka jingjia u wei u briew la ujor sha ki pulit ha ka 11/11/2024 ba lai ngut ki briew kiba la tip kyrteng kum u Shankar Choudhury, Sanjay Badaik bad u Lingaraj Narg, kila shukor ia da kaba shim pisa T. 68,700/- tyngka ban pynioh kam sha Bangalore hynrei khlem lah ban pynioh ia ka kam.
