Shillong, Nailar 4: Ki dkhot jong ka Khasi Student Union kila pynpulom noh ia ka jingthmu jong ki bar jylla ba shah pynher krad na ka jylla Assam na ka daw jong ka jingwan sah beain, da kaba kila talasi ha ka shnong Saphai ia kiba thmu ban rung shapoh ka jylla Meghalaya.Kane ka talasi jong ka KSU Kupli Area Circle hapoh ka shnong Saphai kadei hadien ka jingiohi lyngba ki lad pathai ba ka sorkar Assam kala khynra naphang iaki mynder kiba wan buhai shnong beaiñ ha jylla Assam.
Hapoh ka jingialam u samla Balawantei Suchiang uba dei u President ka KSU Kupli Area Circle ha ryngkat ka jing iadonlang ki bor pulit jong ka Saphai Police Outpost West Jaintia Hills District ki la khynra naphang iaki mynder ki ba thmu ban wad jaka rieh tngen haka Jylla jong ngi haka jaka khappud bad ka Assam kaba don ha Saphai.
Na ka liang u samla Balawantei Suchiang u la ong, “Ka jingshim kabu jong kine ki khar Bangla bad kiwei kiwei ki mynder kiba thmu ban wad jaka rieh tngen ha jylla jing ngi namar ki tip baka jylla jong ngi ka long kaba laitlan khlem don ka aiñ ban iada kumta ki bar Jylla ki long shlur ban wan rung beaiñ”.
Shuh shuh u la ong, ka seng ngin iai khynra manla ka por, bad kin ym ai lad ba ka jylla jong ngi kan long kum ka dustbin ban bret iaki khar bangla kiba shah beh naka jylla Assam.
Ngi kyntu ruh iaka Sorkar ba kan ym dei ban kheiñ sting bad ka kyrwoh naka Seng ka long ba lada ki bor sorkar kim leh eiei wat Ong pat ba ngi pynkheiñ Ain lada ngin leh ma ngi u la ong.
Ka seng ka lah lap ruh baka lynti naka Shnong Saphai kadei kawei naki jaka ba ki Mynder ki lah ban wan rung beaiñ shapoh ka Jylla. Ka seng ka kyntu iaki bor Shnong bad ki para Ri ba kin long kiba peit ngor iaka Shnong ka thaw khnang ban ym shah tyllup haki poiei poihap.
