Shillong, Kyllalyngkot 21: Ka BJP ha ka 21 tarik Kyllalyngkot 2025 ka la pynbna ia ka thup kyrteng kaba nyngkong sha ka Elekshon MDC Khasi hills Autonomous District Council bad Jaintia Hills Autonomous District Council.
Ka Party kala pynbna ïa ki 14 ngut ki kyrtong sha ka Khasi Hills Autonomous District Council (KHADC) bad lai ngut na ka bynta ka Jaintia Hills Autonomous District Council .
Ia ki Kyrteng jong ki Kyrtong la pynbna da u Vice President jong ka BJP u Bah khrawboklang Basaiawmoit .
Haba phai sha ka Elekshon KHADC, ka seng ka la pynieng ia u bah Himanta Timung na ka Jirang, u Manin Raja na Nongpoh, u Bah Hopingstone Marsharing na Mawhati, bad u Brighstarfield Khongwir na Umsning.
U bah Elvisstar Kharbudon un mihkhmat ia ka Langkyrdem-Laitkroh, katba ia u Councellor Mukhim la jied na ka bynta ka Mawkynrew, bad ia u Ebren Khongthah na ka bynta ka Nongshken.
U Fairlock D. Ryngksai na Nongthymmai , u Kynsaibor Lyngdoh na Malki-Laitumkhrah, ka Daniella Nonglait na Mawlai, bad u Lewis Janong Sooting na Langrin. U bah Dimandar Lyngdoh u iakhun na Nongstoin, u Dominic Wahlang na ka bynta ka Rambrai-Jyrngam, bad u Roland Mawsor na ka bynta ka Mawshynrut.
Sha ka JHADC u bah Heimonmitre Phawa un iakhun na Jowai South, u Bah Manbha Lyngdoh na Muthlong Sohkympor, bad u bah Shanbor Rymbai na Musniang Rangad.
U State General Secretary ka BJP u Wankitbok Pohshna u la pynpaw ïa ka jingshaniah ha ka jingpynkhreh jong ka party bad pynpaw ruh ba ka BJP ka don ka jingkyrmen ban ïoh ïa ki jingjop kaba khlaiñ ha kane ka elekshon sha ka District Council.
