Shillong, Lber 03: Mynta ka sngi ka State Election Committee ka party BJP kala pynlait paidbah ia ki kyrteng jong ki 19 ngut ki kyrtong ki ban ia khun ia ka MDC election sha ka iing dorbar jong ka GHADC.
Katkum ka jingpynbna mynta ka sngi ki long 19 ngut ha ka na ki 29-MDC Konstitwensi, ia ki 10 tylli ki konstitwensi kiba dang sah ka party kan sa pynlait ha kine ki sngi ki ban dang wan.
Ka BJP ha GHADC ka don u wei u MDC u Bernard N Marak na ka 9-South Tura MDC Konstitwensi, na ka liang ka party ka don ka jingkyrmen ba kan kham jop bun mynta ka sngi namar ha ka MLA election 2023 kala wan ba ar ha kiba bun ki konstitwensi.
Ha kane ka kynti kaba mynta ki party la jan baroh kila dep ban pynbna ia ki kyrtong watla kimpat lah ban pynbna lut ha baroh 29 tylli ki MDC konstitwensi, kiba la dep ban pynbna ki long NPP, Congress, TMC, BJP, NCP bad ka GNC.
