Shillong, Naitung 03: Ka Deputy Commissioner ka East Khasi Hills District ka kong RM Kurbah mynta ka sngi kala pynmih ia ka jingpynbna BNSS hapoh ka kyndon 163 bala shah iaki trok ba kin iaid na Lad Mawmaram sha Lad Umsaw tang ba ki hap ban kit hapoh ka 9 tone.
La ong ba la pynmih ia ka hukum ha ka 21/Iaiong/2025 bala khang ban iaid ia ki kali na katei ka surok na ka daw ba ka don ka jingkieng kaba don hapdeng ka jingma ha Umbir, hynrei la ioh ia ka kaiphot na u EE ka PWD Umsnign bala dep ban shah ia ka jingkieng ban iaid kiar ha ka 2/7/2025.
Kumta na ka liang jong ka DC mynta ka sngi kala pynmih ia ka jingpyntip paidbah ba ka jingkhang ban iaid ki trok na Mawmaram, sha Mawmih, Nongthliew, Mawlyngdep ka khang ha ka 21/Iaiong/2025 namar ka don ka jingma ia ka jingkieng ha Umbir.
Ha dien bala ioh ia ka kaiphot na u EE ka PWD Umshning bala dep ban shna ia ka jingkieng ban iaid kiar kumta la weng noh ia ka hukum kaba la pynmih mynshuwa, kumta la shah ia ki kali ban iaid na Mawmaram ter ter sha Lad Umsaw tang ba ka jingkit kam dei ban palat ia ka 9 tone.
