Shillong, Naitung 16: Ka North-Eastern Hill University (NEHU) ka pynbna ïa ka jingsdang jong ka jingpynrung kyrteng ïa ki jingpule bapher bapher jong ka Postgraduate (PG) na ka bynta kane ka aiom pule ka bansa wan.
Mynta u snem, ki jingpdiang ia ki phom kila sdang kham kloi haba ïa nujor bad ki arsnem bala dep, kaba pyni ïa ka jingtreishitom jong ka skul bah ban pynbha ïa ka rukom pule bad ban pynthikna ïa ka jingsdang kaba biang por ïaka por pule kaba thymmai.
La kyntu ïa ki samla pule kiba kwah ban pule ba kin leit sha ka website jong ka NEHU ha nehu.ac.in ban pyndap ïa ki phorm ban rung bad ban pynskhem ïa ka jaka jong ki ha kawei na ki prokram bapawnam jong ka NEHU. Ka skul bah kathmu ban pyndep kloi ia ka jingpynrung kyrteng, kaba ailad ia ki samla pule bad ki nonghikai ban pynkhreh bha na kabynta u snem pule ba thymmai.
Nalor ki jingpule PG, shen ka NEHU kan sa pynmih ïa ka jingpynbna ha kaba ïadei bad ka Integrated Teacher Education Program (ITEP). Kane ka jingthmu kaban sa wan ka iadei bad ka jingkular jong ka NEHU ban ai ia ki lynti pule kiba bniah bad kiba ia dei lang na kabynta ki nonghikai kiba kwah ban long nonghikai, kaba pynkhreh iaki ban nang ban lehbha ha kikam jong ki ha kalawei.
Ka NEHU ka dang iaibteng ban pynneh ia ka nam jong ka na kabynta ka jingtbit ha ka jingpule bad ka jingpynwandur, da kaba ai ia ki prokram bapher bapher kiba pyndap ia ki jingdon kam kiba nangkiew jong ki samla pule bad ka imlang sahlang. Karukom treikam jong ka skul bah kaba shim khia ban pdiang kloi ka pynpaw ia ka jingaiti jong ka ia ka jingjop jong ki samla pule bad ka jingroi jong ka skul bah.
