New Delhi, Nohprah 14: Ka Reserved Bank ka Ri India (RBI) mynta ka sngi kala pynmih ia ka jingpynbna ban kyrshan ia ki nongrep ha kaba kala pynkiew ia ka ram rep bad kiwei ki ba ia dei bad ka rep na ka T.1.6/- lak tyngka sha ka T.2/-Lak tyngka khlem dab uh bynda ne don nongjamin.
Ka Jingshim ia kane ka rai ka long namar kala don ka jingkiew dor ha ki mar ki matta kiba ia dei bad ka rem, kane ka long ban iarap ia ki nongrep ba pynthikna ba ki don ia ka lat ka lynti ban rep ban riang ha kaba ki lah ban shim ram khlem dab uh bynda ne nongbah jamin.
Kane ka rai jong ka RBI kan trei kam naduh ka 01/Kyllalyngkot/2025, ki nongrep ki lah ban shim ram rep bad kiwei kiba ia dei bad ka rep haduh T.2/- lak tyngka u wei u nongrep, la bthah ban pyntrei kam ia kine ki kyndon ba ki nongrep kn ioh ha ka por ba biang katkum ka por rep.
La bthah ia baroh ki Bank ba kin pynsaphriang ia kane ka jingpyntip ban pynthikna ba ki paidbah kin tip bad ban pynlong ia ka jingpynshai sha ki nongrep bad sha kito kiba don bynta ha ka rep ha ka jaka kaba ki bank ki treikam.
Kane ka rai ka long ban iarap ia ki nongrep kiba rit ki bym don lat ban ioh jingiarap pisa bad ka jingweng noh ia ka jingbuh bynda bad ban pynbeit ryntih ia ka rukom airam bad kane kan iarap ban kyntiew ia ka jingpyndon kam ia ka Kisan Credit Loan (KCC).
Kane kan iarap ia ki nongrep ban pynkhlain ia karep bad kan kyntiew ia ka ioh ka kot ka jong ki, haba khrein lang bad ka sut kaba ka sorkar kan iarap ba ia ka ram haduh T.3/- lak tyngka ka sut kan long tang 4% kane kan iarap ia ki nongrep bad kan kyntiew ia ka rep ka riang ha ka ri baroh kawei.
