Shillong, Lber 23: Mynta ka sngi ka sorkar Meghalaya lyngba ka tnad kam poh iing kala pynmih ia ka jingpynbna sorkar ba ka shnong Khlookynrien kaba hap ha ka jingpeit ka Saphai Police Outpost ha West Jaintia Hills District mynta kan hap noh ha ka jingpeit ka Raliang Police Station.
Kane ka dei ka jingpyntip kaba la pynmih na ka ophis jong u Commissioner bad Secretary jong ka tnad kampoh iing ka sorkar Meghalaya mynta ka sngi bad kane ka jingpynbna sorkar kan trei kam noh mardor naduh bala pynmih ia kane ka hukum.
Ia ka Raliang Police Outpost la kyntiew sha ka Police Station ha u snem 2023 ia kaba la plie da u bah Comingone Ymbon myntri cabinet ha katei ka por,kane ka long ban pynkhlain ia ka jingai jingshakri ha katei ka thain.
