New Delhi, Nohprah 27: Ka tnad kam poh iing ka sorkar pdeng kala pynbna ia ka sorkar pdeng ‘Muslim League Jammu Kashmir (Masarat Alam faction)’ kum ka seng beain hapoh ka kyndon ain ‘Unlawful Association’ under Section 3(1) jong ka Unlawful Activities (Prevention) Act (UAPA) 1967.
Ha ka jingthoh jong u myntri kam poh iing ka sorkar pdeng u Amit Shah hapoh ka ‘X’ la ong ba katei ka kynhun ka ialeh pyrshah bad ka jingkwah jong ka na Ri India namar kane ka kynhun ka kynhun lehnoh kiba pyrshah ia ka ri India bad ki thmu ban pynlong ia ka Jammu bad Kashmir kum ka jaka ki Muslim.
U Myntri kam poh iing u la ong shai ba kane ka sorkar hapoh ka jingialam jong u myntri rangbah duh ka ri India u Narendra Modi, ba kino kino kiba ialeh pyrshah bad wan rah ia ka pait bad ktah ia ka jingiatylli ka ri kin nym map iano iano ruh hynrei kin pyndon kam ia ki bor jong ka ain ban pynshitom.
Ka seng Muslim League Jammu Kashmir (Masarat Alam faction)’ ka dei ka seng kaba don kti ha kam ialeh pyrshah ia ka ri hapoh Jammu bad Kashmir, kane ka jingleh ka ktah ia ka shong suk shongsain bad ka jingiatylli jong ka ri bad bun na ki dkhot la shah register ha ki kam beain hapoh jong ka ain Unlawful Activities (Prevention) Act 1967, IPC 1860, The Arms Act 1959 bad Ranbir Penal Code 1932.
Haba pyntreikam ia ka jingbym ia shah ia ki kam lehnoh hapoh ka jingialam u myntri rangbah duh ka Ri India u Narendra Modi bad hapoh ka jingpeit u myntri kam poh iing u Amit Shah ka don kam poh iing ka sorkar pdeng kala pynbna ia ki saw tylli ki seng kum ki seng lehnoh, 6 ngut ki riew shimet la niew ba ki dei ki lehnoh bad ar tylli ki seng kum ki seng beain.
