Shillong, Naitung 31: U Director of School Education bad Literacy ka sorkar Meghalaya u Swapnil Tembe IAS. U la pynmih ia ka jingpynbna ba ha ka 2/Nailar/2024 kaba dei ka sngi Thohdieng kan don ka jingialehkai kynjatball Durand Cup 2024 ha J N Stadium ha Polo bad la sngewthuh ba kin bun ki kali.
Ka ophis kala ioh ia ka shihti na ka tnad ialehkai ha kaba ia dei bad ka jingplie ia ka jingialehkai kynjatball Durand Cup 2024 ha J N Stadium ha Polo bad kala don ka jingantad ba kin bun ki kali ki ban wan ha kane ka sngi bad kane kan wanrah ia ka jingkhap ngiah kali.
Kumta na liang jong ka ophis ka tnad pule puhti ba la pynbna ha ka 2/ Nailar/2024 kaba dei ka sngi thohdieng ba baroh ki skul kiba don ha ki bynta jong ka Shillong Muncipal Board la pynbna shuti ha katei ka sngi.
