Shillong, Nailar 07: Mynta ka sngi ka sorkar Meghalaya kala pynmih ia ka jingpynbna sorkar ban thaw ia ka Police Station kaba thymmai ka ban don ha Umtyngar ha East Khasi Hills District ia kaba yn tip kum ka Umtyngar Police Station.
Haba la thaw ia ka Umtyngar police Station, kane ka jaka mynshuwa ka hap hapoh ka jingpeit ka Sohra Police Station, ki jaka ki ban hap hap ha kane ka Police Station kaba thymmai la buh dak ha kane ka jingpynbna sorkar.
Kane ka Umtyngar Police Station ki jaka ki ban hap hapoh kane ka police station kin long sha teika ia khap bad ka Mawngap Outpost, bad ka Madanriting Police Station, sha mih ngi ka ia khap bad ka Pynursla Police Station, sha thie bad sha sep ngi ka ia khap bad ka Sohra Police Station.
